Mulfarinon,S.Pd.I

Mengajar Di Madrasah Ibtidaiyah Negeri (MIN) Kota Payakumbuh sejak Tahun 2010, Bidang Studi yang diajarkan adalah Mata Pelajaran Sejarah Kebudayaan Islam dan Fi...

Selengkapnya
Navigasi Web
Rinai Pambasuah Luko

Rinai Pambasuah Luko

Dalam paneh garang galok pun tibo, dan ndak ado tando-tando nyo, bahaso ka turun hujan di patang nanko. Ambo nan sadang duduak-duduak sambie minum kopi angek jo mambaco tulisan jo guriahan tangan kawan-kawan nan ado di grup Gurusiana, raso nyo ambo tabaok sato pulo katiko mambaco tulisan-tulisan nan sadiah nyo ndak alang de, mulai dari curito laki nyo nan bamain mato jo urang padusi lain sampai ratok mayik ka turun, jo takicuah di nan tarang bak logu Ratu Sikumbang, sahinggo bagarobok an lah aie mato kalua dari suduk mato ambo ko, tabayang maso nan lamo, mulai dari bamain di tapi lauik, sapayuang kito baduo, basandiang di palaminan sampai lah tabang anai-anai ka rimbo. (rasailah, baa dek ndak bakabek anai-anai tu,) hehe...

Singkek nyo, lah tandeh tissue di ateh meja, dek maapuih aie mato ambo, hehe..

Alun sudah ambo mambaco curito-curito nan kawan tulih di halaman nyo surang, ee tibo pulo nan ka manambah seso, "gabak di hulu tando ka hujan, cewang di langik tando ka tarang. Nan kini ko gabak tu lah nampak dek ambo, badasau turun nyo kini, sampai akhirnyo aluih-aluih, bak kecek urang "rinai" namonyo, dek urang nan sadang sadiah bak cando ambo ko "rinai pambasuah luko" molah nan tapek atau "rinai mambaok sansai". jadih juo.

Babaliak kito ka nan cako, tantang raso rusuah nan di hati, tantangan nasib si badan diri, bamanuang bukan dek ndak ado tapi dek ado tu lah mako bamanuang. ("baa lo tu yo"?), tapi antahlah, kok dicuritoan bana kasado nyo, maluluang kawan-kawan pambaco beko, rancak baraliah duduak ambo ley, dari pado manambah seso, beko tibo pulo urang mintak utang, hahahaha

Yuuuuuk, kito lestarikan bahaso daerah kito baliak...

Minang kereen..

Payokumbuah, 14022020

DISCLAIMER
Konten pada website ini merupakan konten yang di tulis oleh user. Tanggung jawab isi adalah sepenuhnya oleh user/penulis. Pihak pengelola web tidak memiliki tanggung jawab apapun atas hal hal yang dapat ditimbulkan dari penerbitan artikel di website ini, namun setiap orang bisa mengirimkan surat aduan yang akan ditindak lanjuti oleh pengelola sebaik mungkin. Pengelola website berhak untuk membatalkan penayangan artikel, penghapusan artikel hingga penonaktifan akun penulis bila terdapat konten yang tidak seharusnya ditayangkan di web ini.

Laporkan Penyalahgunaan

Komentar

Super

14 Feb
Balas

Makasih ibuk Fauziah

14 Feb
Balas

Mantap Diak

14 Feb
Balas
search